Эрондаги президентлик сайловларининг иккинчи турида ғолиб чиққан мўътадил ислоҳотчи Масъуд Пезешкиан келаси ойнинг бошида қасамёд келтиради. Бу ҳақида Эрон парламенти президиуми аъзоси Можтаба Юсуфий ОАВларга маълум қилди.
Эронда 5 июль куни бўлиб ўтган президент сайловида Пезешкиан қарийб 16,4 миллион овоз, унинг рақиби – кескин сиёсат тарафдори бўлган Саид Жалилий эса 13,5 миллиондан зиёд овоз йиғолган. Сайловнинг биринчи босқичида Пезешкиан рақибидан тақрибан миллион овоз кўпроқ олиб, устунликка эришган, бироқ у жамғарган овозлар 50 фоизга етмагани учун сайлов иккинчи босқичга қолган эди.
Эндиликда оятуллоҳ Али Хоманеий "танфиз" деб номланувчи маросимда Пезешкианнинг ғалабасини маъқуллаши керак. "Президент қасамёд маросими 4 ёки 5 августда бўлиб ўтади," деган Юсуфий.
"Кейин президентда Вазирлар Маҳкамаси аъзоларини парламентга тақдим этиш учун 15 кун вақт бўлади," - деди у. Юсуфийнинг сўзларига кўра, парламент қоидаларига кўра, Пезешкиан 31 июль куни депутатлик мандатидан расман воз кечади.
Кутилмаган ғалабадан сўнг собиқ кардиожарроҳ эронлик ёшларга ғалабага ёрдам бергани учун миннатдорчилик билдирди.
У Ислом республикаси олдида "мураккаб йўл" турганини айтиб, эронликларни уни "ёлғиз" қолдирмасликка чақирди.
Эронда 5 июль куни бўлиб ўтган президент сайловида Пезешкиан қарийб 16,4 миллион овоз, унинг рақиби – кескин сиёсат тарафдори бўлган Саид Жалилий эса 13,5 миллиондан зиёд овоз йиғолган.