Ссылки доступа

Мәскеудегі «Сахаров» орталығында 136 тәжік азаматы депортациялайтын күнді күтіп жүр


Тәжікстанның Ресейдегі консулдығының өкілдері Мәскеу шетіндегі «Сахаров» шетел азаматтарын уақытша ұстау орталығында болды. Олар мекеме басшылығымен тәжік мигранттарын елге депортациялау мәселесін талқылады.

Ресми мәлімет бойынша, қазір осы орталықта Тәжікстанның 136 азаматы отыр. Консулдық өкілдері жолдаған суреттен ұсталған мигранттар арасында әйелдер де бар екенін көруге болады.

Консулдық өкілдері мигранттарға азық-түлік апарып, Ресей заңдарын қайта бұзған уақытта не болатынын түсіндірген. Алайда консулдықтағылар Тәжікстан азаматтары тағы қанша уақыт осы орталықта тұратынын, олардан арыз-шағым түскен-түспегенін хабарламады.

Орталық Азия елдерінің мигранттары «Сахаров» орталығының қызметкерлерінің үстінен талай мәрте шағымданған. Осы мекемеде Ресейдің көші-қон заңдарын бұзып, елден депортациялануы тиіс азаматтар отырады.

XS
SM
MD
LG