Қирғизистон Миллий хавфсизлик давлат қўмитаси 8 август куни Бишкекда Алмазбек Атамбаевнинг собиқ тансоқчи - Эркин Мамбеталиевни ҳибсга олди. Бу маълумотни Озодлик радиосининг ўз манбалари тасдиқлади.
МХДҚ Мамбеталиев қўлга олингани ҳақидаги ҳозирча расман изоҳ бермади. Аввалроқ, ижтимоий тармоқларда Мамбеталиев қўлга олинаётгани ҳақидаги видео ҳам тарқалганди.
Маҳаллий ОАВ ёзишича, Мамбеталиев ўғрибоши Қамчи Асанбек (Колбаев) билан алоқаси учун ҳибсга олинган.
Эркин Мамбеталиев 1990 йилларда Давлат қўриқлаш хизматида, 2000 йиллар бошида Алмазбек Атамбоевнинг шахсий тансоқчиси бўлиб ишлаган.
Бундан ташқари, 2008 йилда Мамбеталиевуч кишини ўлдиришда айбланиб умрбод қамоқ жазосига ҳукм қилинганди. Бироқ, 2010 йил апрель воқеаларидан сўнг унинг адвокатлари янги очилган ҳолатлар бўйича судга мурожаат қилишган ва суд Мамбеталиевни озод қилган.
Маҳаллий ОАВ ёзишича, Мамбеталиев ўғрибоши Қамчи Асанбек (Колбаев) билан алоқаси учун ҳибсга олинган.