Банк мәліметінше, қаржы мекемесі "Сбербанк", "МТС Банк", "Тбанк" (Тинькофф) және "НСПК" ұлттық төлем жүйесі арқылы ақша аударуды доғарды.
Мұндай шешім қабылдауға не себеп болғанын банк хабарламады. Дегенмен азаматтар "Золотая корона", "Астрасенд", Western Union, "Юнистрим" және RIA халықаралық төлем жүйелерін қолдана алады.
Қырғызстандағы тағы бір қаржы мекемесі - MBank 16 тамыздан бастап Ресейде жұмыс істейтін азаматтар осы елдің банктері арқылы ақша аударуды банк реквизиттерінің көмегімен ғана жүзеге асыра алатынын хабарлады.
"Тазабек" басылымының мәліметінше, Қырғызстан ұлттық банкі елдегі коммерциялық банктерге Еуроодақ, Ұлыбритания және АҚШ санкцияларына алынған банктермен әріптестікті доғару керектігін ескерткен.
Тамыздың басында Қырғызстан ұлттық банк басшысы Мелис Тұрғұнбаев АҚШ-тың Қырғызстандағы елшісі Лесли Вигеримен кездесіп, санкцияларды айналып өтуді доғару мәселесін талқылаған.