25 август куни Темиртаудаги 2-сонли металлургия комбинатининг лист прокатлаш цехида икки ходим ҳалок бўлди. Улар бино томини демонтаж қилиш вақтида баландликдан қулаб тушган.
Qarmet компанияси ҳодисани "фожиа" деб атади ва ҳалок бўлганлар "Казмеханомонтаж" пудрат ташкилоти ходимлари эканлигини маълум қилди. Компания пудратчи ташкилотни хавфсизлик техникасини бузганликда айбламоқда.
Мазкур ширкат аввал “АрселорМиттал Темиртау” ширкатига қарашли бўлган. Расмий маълумотларга кўра, саккизта кон ва Қарағанда вилоятидаги металлургия комбинатига эгалик қилувчи “АрселорМиттал Темиртау” ширкати объектларида сўнгги 15 йил ичида 100 дан зиёд одам ўлган.
Масалан, Қарағанда вилоятида Костенко номидаги кўмир конида 28 октябрга ўтар кечаси содир бўлган портлаш ортидан 46 киши ҳалок бўлган.
Қозоғистон президенти Қасим-Жомарт Тоқаев кондаги фожиадан сўнг “АрселорМиттал Темиртау” билан инвестициявий ҳамкорлик шартномаси тўхтатилишини билдирган. Шундан кўп ўтмай, "АрселорМиттал Темиртау" эгаси ўзгарди, ширкат ҳам "Қармет"
этиб қайта номланди.
Мазкур комбинат аввал “АрселорМиттал Темиртау” ширкатига қарашли бўлган. Расмий маълумотларга кўра, саккизта кон ва Қарағанда вилоятидаги металлургия комбинатига эгалик қилган “АрселорМиттал Темиртау” ширкати объектларида сўнгги 15 йил ичида 100 дан зиёд одам ўлган.