Тожикистон сайёҳлик компанияларининг хабар беришича, Бирлашган Араб Амирликлари икки ҳафтадан бери эркакларга сайёҳлик визаларини бермаяпти.
Бундай қарорнинг сабаби номаълум. Тожикистон Ташқи ишлар вазирлиги вазиятни тушунтиришни сўраб БААга сўров юборди.
"Биз элчихонадан хат олдик, улар эркакларга виза бермаётганини айтган. Шу билан бирга, оилавий ёки жамоавий сафарларга виза ҳеч қандай муаммосиз берилмоқда," - дейди
Love Travel сайёҳлик компанияси раҳбари Акмал Каримов Озодлик радиоси билан суҳбатда.
Унинг қўшимча қилишича, айни дамда БААга саёҳат мавсуми бошланган ва уларнинг компанияси мижозларининг аксарияти эркаклар эди.
Бу ҳолат иши Дубай билан боғлиқ бўлган тожикистонлик ишбилармонларни ҳам хавотирга солди.
БАА, айниқса, Дубай шаҳри сўнгги йилларда Тожикистоннинг бадавлат аҳолиси учун иш, бизнес ва туризм масканига айланди. Душанбе ва Дубай ўртасида ҳафтасига тўртта рейс амалга оширилади.
Шу билан бирга, оилавий ёки жамоавий сафарларга виза ҳеч қандай муаммосиз берилмоқда.