Маҳаллий telegram-каналлар унинг видеосини тарқатишди. Видеолавҳалардан кўриниб турибдики, эркакнинг жасади конструкциянинг юқори қисмида осилиб турарди.
«24 сентябрь куни “103” пультига чақириқ келиб тушди. Борилганда осилган эркакнинг жасади топилди. Ҳолат сабаби номаълум, жасад полицияга топширилди», — дея хабар қилишди соғлиқни сақлаш бошқармасидан.
Полициянинг хабар беришича, “102” каналига Нажимеденова кўчасидаги қурилиш объектида осиғлиқ эркак ҳақида хабар келиб тушган. «38 ёшли марҳумнинг шахси аниқланди. Ушбу факт бўйича жиноий иш қўзғатилди. Тергов ўтказилмоқда. Ҳолатга ойдинлик киритилмоқда», — дейишмоқда Остона полицияси департаментидагилар.
«Казинформ»нинг ёзишича, остоналик эканлиги тасдиқланган 38 ёшли эркакнинг жасади топилган.
Қурилаётган объект қоровулининг Newtimes.kz сайтига айтишича, тунда ҳудуд қулфлоғлиқ бўлган. Унинг сўзларига кўра, эрталаб полиция ва бошқа махсус хизматлар келишган. Жасадни кран ёрдамида туширишган. Таянч устунларнинг баландлиги трасса участкасига қараб 18 метргача бориши мумкин.