Қирғизистонда Омбудсман оммавий ахборот воситаларида "туҳмат ва ҳақорат" учун жавобгарлик кучайтирилишига қарши чиқди. Аввалроқ тегишли қонун лойиҳасини парламентга киритилган эди. Лойиҳани Маданият, ахборот ва туризм вазирлиги ишлаб чиққан.
Омбудсман Жамила Жаманбаева Маданият вазирлигини ушбу қонун лойиҳасини қайтариб олишга чақирди. Бу ҳақда 27 сентябрь куни Омбудсман институти матбуот хизмати хабар берди.
Жаманбаеванинг фикрича, қонун лойиҳасида таклиф этилаётган жарималар миқдори асоссиз тарзда юқори белгиланган.
"Бундан ташқари, қонун лойиҳасида ушбу жарима санкцияларининг қўлланилиши Маданият вазирлиги томонидан эмас, балки фақат суд тартибида белгиланиши лозимлигини ҳам ҳисобга олиш зарур," - деган Жаманбаева.
Унинг қўшимча қилишича, қонун лойиҳасини қайта ишлаш керак.
Ҳозирда, ҳужжатга кўра, Жиноят кодексига "Оммавий ахборот воситаларида, Интернет тармоғидаги веб-сайтда ёки Интернет тармоғидаги веб-сайт саҳифасидаги туҳмат ва ҳақорат" моддаси киритилади. Бу ҳуқуқбузарлик учун жарима солиш кўзда тутилган.
Қонун лойиҳасининг асослаш қисмида айтилишича, ҳужжат Вазирлар Маҳкамаси раҳбари Оқилбек Жапаров топшириғи билан ишлаб чиқилган. Лойиҳа муаллифларининг таъкидлашича, ҳозирда қонунчилик оммавий ахборот воситалари ва интернетда ҳақорат қилиш ва ёлғон маълумотларни тарқатиш ҳолатларига самарали жавоб бермайди.
Ҳуқуқшуносларнинг таъкидлашича, ошкоралик ва ушбу ҳуқуқбузарлик ахлоқни муҳофаза қилиш соҳасидаги ҳуқуқбузарликларга тенглаштирилганлиги учун томонларни яраштириб бўлмайди.
Бундан ташқари, улар Қирғизистон қонунчилигида 2010 йилдан кейин туҳмат ва ҳақорат учун жиноий жавобгарлик бекор қилинганини эслатмоқда.
Медиа ҳуқуқи институти экспертлари ҳам муаллифларга "туҳмат ва ҳақорат учун жавобгарликни жорий этишда таклиф этилаётган ҳуқуқий тартибга солишдаги камчиликларни ўз ичига олган" ҳужжатни чақириб олишни тавсия қилди.
Қирғиз омбудсмани "туҳмат ва ҳақорат" учун жавобгарлик кучайтирилишига қарши чиқди
Тегишли қонун лойиҳаси парламентга киритилган эди.