Ссылки доступа

Армения өз аймағында ҰҚШҰ жаттығуын өткізуден бас тартты 


Армения өз аймағында Ұжымдық қауіпсіздік шарт ұйымы (ҰҚШҰ) жаттығуын өткізуден бас тартты. Бұл туралы елдің премьер-министрі Никол Пашинян мәлімдеді.  

"Арменияның қорғаныс министрі ҰҚШҰ-ның бірлескен штабында қазіргі жағдайда ел аумағында арнайы жаттығу өткізудің қажеті жоқ екенін хабарлады. Биыл Армения аумағында жаттығулар өтпейді", - деді Пашинян.

1 қаңтарда Ресейдің қорғаныс министрлігі биыл Арменияда ҰҚШҰ-дың әскери жаттығуы өтетінін жариялаған.

2022 жылдың күзінде Пашинян ҰҚШҰ-дың Еревандағы саммитінде Таулы Қарабаққа байланысты жанжалда Ереванды жеткілікті қолданған жоқ деген негізде бірлескен мәлімдемеге қол қоюдан бас тартқан.

ҰҚШҰ-ға Қазақстан, Қырғызстан, Ресей, Армения, Беларусь және Тәжікстан мүше.

Былтыр қазан айында Қырғызстан ҰҚШҰ-ның әскери жаттығуын өз аймағында өткізуден бас тартқанын жариялаған.

XS
SM
MD
LG