АҚШ президенти Жо Байден 21 май, якшанба куни Украина етакчиси Владимир Зеленский билан учрашувда Украинага 375 миллион долларлик янги қурол етказиб берилишини эълон қилди. Тўпламга «ўқ-дорилар, артиллерия ва зирҳли техникалар» киради, деди Байден Хиросимадаги G7 саммити чоғида.
Пентагон веб-сайтига кўра, янги етказиб бериладиган пакет ичига қўшимча HIMARIS (High Mobility Artilleriya Rocket System) бир нечта ракета ўқ-дорилари, 155 мм ва 105 мм артиллерия ўқлари, TOW танкга қарши ракета тизимлари учун ўқ-дорилар, Javelin ва AT-4 кўчма ракета тизимлари, зирҳли тиббий машиналар тизимлари, кўприк тизимлри, оғир техникаларни ташиш учун юк машиналари, иссиқлик тасвирлагичлари, шунингдек эҳтиёт қисмлар ва дала ускуналари етказиб берилади.
Қурол-яроғ Украинага АҚШ Мудофаа вазирлигининг ўз захираларидан ўтказилади. Қўшма Штатлар ўз иттифоқчилари ва ҳамкорлари билан Украинага ўзининг жанг майдонидаги зудлик билан эҳтиёжлари ва хавфсизлик ёрдамига бўлган узоқ муддатли эҳтиёжларини қондиришга имкон бериш учун ишлашда давом этади.
Бир кун аввал Украина президенти Владимир Зеленский G7 (Катта еттилик) етакчилари саммити ўтаётган Хиросимага етиб келди. У Японияга келган куни АҚШ иттифоқчиларнинг украиналик учувчиларни Америкада ишлаб чиқарилган F-16 қирувчи самолётларида ўқитиш бўйича режаларини қўллаб-қувватлаши маълум бўлди.
Келгуси ойларда тренинглар давом этар экан, АҚШ иттифоқчилари билан самолёт қачон етказиб берилиши, уларни ким ва қанча миқдорда етказиб беришини аниқлайди, деди АҚШ миллий хавфсизлик бўйича маслаҳатчиси Жейк Салливан.