Қайд этилишича, Россиядан Pornhubга VPN ва рекламани блокловчи дастурларсиз кирилганда, рекалама видеога порнографик контентни юклаб олишдан олдин дуч келиш мумкин.
Беҳаё сўзларни ўз ичига олган видеонинг ўзида "Вагнер" ХҲК Россиянинг барча минтақаларидан аскарларни жалб қилаётгани айтилади" ва порнофильм кўриш ўрнига ХҲКга ишга киришга чақириш билан якунланади.
Эълонда кўрсатилган телефон рақами ҳақиқатда хусусий ҳарбий компания ёлловчиларига тегишли экани даъво қилинган.
ХҲК асосчиси Евгений Пригожин, "компания вакиллари ҳақиқатан ҳам Pornhubга реклама беришганми?", деган саволларга жавоб берди.
"Қайси бирига беришганини билмайман, лекин порно сайтларга реклама жойлаштириш бизнинг маркетологларимизнинг жуда яхши фикри. Мен уларнинг фикрига тўлиқ қўшиламан ... ", деди у.
"Вагнер" хусусий ҳарбий компанияси Россиянинг норасмий қуролли тузилмаси бўлиб, Владимир Путинга яқин бўлган петербурглик тадбиркор Евгений Пригожин томонидан яратилган. ХҲК ёлланма аскарлари, шу жумладан колонияларда ёлланган маҳбуслар Украина билан урушда, шунингдек, Сурия ва Африкадаги қуруқликдаги операцияларда фаол иштирок этмоқда.