Тергеу мәліметі бойынша, Ашуров ағайынды Диловар және Аминчон Исломовтарды өз үйінде тіркеуге алған.
Диловар мен Аминчон Исломовтар 25 наурызда қамауға алынған. Оларға терроршылыққа көмектесті деген айып тағылды. Тергеу мәліметі бойынша, ағайынды Исломовтарды Шамсидин Фаридуни азғырған. Диловар Исломов теракті кезінде күдіктілер жүргізген Renault көлігінің иесі болып есептеледі.
Исломовтар өздеріне тағылған айыптар негізсіз екенін, олар шабуылға дайындалып жатқаны туралы мәліметтен хабарсыз екенін айтты.
"Крокус Ситидегі" шабуылда кемінде 145 адам қаза тапты. Шабуылға жауапкершілікті "Ислам мемлекеті-Хорасан" террорлық ұйымы мойнына алды. Кремль шабуылдың артында Украина тұр деп есептейді. Киев бұл ақпаратты теріске шығарады.