Аудандық сот 9 қаңтардағы шешімімен блогер Салмон Ражабзоданы қамауға алудан бас тартып, сот залынан босатқан.
Прокуратура бұған қарсылық білдіріп, қалалық сотқа апелляциялық арыз түсірген.
Салмон Жұмабай деген атпен белгілі блогер 7 қаңтарда ұсталып, оған қарсы "Жеккөрушілік және араздықты қоздыру, ар-намысқа нұқсан келтіру" бабы бойынша қылмыстық іс қозғалған. Блогер бұл бап бойынша кінәлі деп танылса, алты жылға дейін сотталуы мүмкін.
"Осторожно, новости" және Shot телеграм-каналдары хабарлағандай, желтоқсанда әлеуметтік желілерде видео жарияланып, кадр сыртындағы адам "жақында орыс қыздарының бәрі біздікі болады" және "Наташамен ойнағам" деп айтқан. Онда Салмон Ражабзода видеодағы дауыс өзінікі емес екенін білдірген.