Ереваннинг Нор Норк туманидаги полиция бўлинмасига ҳужум қилинди. Азатутюн радиосининг Ички ишлар вазирлигига таяниб хабар беришича, ҳужумчилар гранаталар ёрдамида бўлинмаага бостириб киришга ҳаракат қилган.
Ҳужум уч киши амалга оширган, улардан икки нафари ўзлари портлатган гранатадан жароҳат олган. Яна бир ҳужумчини махсус кучлар зарарсизлантирган ва қўлга олган.
Маҳаллий ОАВнинг ёзишича, ҳужумчилар "Жанговор биродарлик" ҳаракатининг аъзоларини қамоқдан озод қилишни талаб қилган.
Аввалроқ қуролни ноқонуний сақлашда айбланиб “Жанговар биродарлик” ҳаракатининг 49 нафар аъзосини қўлга олинган эди, бироқ кейинчалик уларнинг барчаси қўйиб юборилгани хабар қилинган. Ҳаракат ҳужумга алоқадорлигини рад этмоқда.
“Жанговар биродарлик”га Қорабоғдаги урушларда қатнашган собиқ ҳарбийлар асос солган. Улар Арманистон билан чегарадош қишлоқларни Озарбайжонга қайтарилишига қарши. Ҳаракат аъзолари чегарадаги Воскепар қишлоғида тактик машғулотлар ўтказмоқчи бўлган. Полициянинг тақиқига қарамай, ҳаракатнинг бир неча аъзоси Воскепарга етиб борган.
Ереванликлардан бири воқеа жойида портлаш овози эшитилаётган видеони тарқатди.
Ҳужумчилар "Жанговор биродарлик" ҳаракатининг аъзоларини қамоқдан озод қилишни талаб қилган.