Ссылки доступа

Тот басқан Эйфель мұнарасын жөндеу қажет


Париж қаласының ең көрікті орындарының бірі – Эйфель мұрасын тот басты, бірақ оны жөндеудің орнына билік 2024 жылы Парижде өтетін жазғы Олимпиада ойындары қарсаңында нысанды бояп жатыр. Marianne француз журналы осындай мәлімет таратты.

Құпия есепке сәйкес, Эйфель мұнарасының тот басып, сына бастағаны 2014 жылы мәлім болған. 2016 жылы мұнараның 884 жері бүлінгені анықталды.

"Гюстав Эйфель оны көрсе, инженердің жүрегі ұстап қалары анық", - деген мұнара менеджері француз басылымына.

2024 жылы Париж қаласында өтетін жазғы Олимпиада ойындары қарсаңында мұнараны осымен жиырмасыншы мәрте сырлап жатыр. Бұған 60 миллион еуро жұмсалады.

Сарапшылар мұнараның ескі сырын толық қырып тастап, содан кейін ғана оны сырлау керек деп есептейді. Ескі сырдың үстіне жаңасын жағудан коррозия жылдам жүреді. Алайда мұнараны басқарумен айналысатын компания ескерткішті ұзақ уақытқа жапқысы, сөйтіп табыстан айрылғысы келмейді.

324 метрлік темір мұнара 1889 жылы Дүниежүзілік көрме қарсаңында тұрғызылды. Құрылысшылар мұнара жиырма жылға жарайды деп топшылаған. Алайда оның күтімі жақсы болғандықтан мұнара әлі күнге дейін Франция астанасына әр беріп тұр.

Жыл сайын Эйфель мұнарасын көруге 6 миллионға жуық турист келеді.

XS
SM
MD
LG