Вагнер ҲХК раҳбари Евгений Пригожин муваффақиятсиз исён ва Россияни тарк этганидан сўнг, Москвага қайтиб, Кремлда президент Владимир Путин билан учрашди. Бу ҳақда Франциянинг Libération газетаси Ғарб разведкасидаги номаълум манбаларга таяниб хабар берди.
Нашрнинг ёзишича, 1 июль куни Пригожин ҲХК бош қўмондонлари билан бирга Кремлга чақирилган ва у ерда Путиндан ташқари Россия гвардияси раҳбари Виктор Золотов ва Ташқи разведка раҳбари билан учрашган. Учрашувлар тафсилотлари келтирилмаган.
Вагнер ҲХК қўзғолонидан сўнг, Пригожин бўлинмалари бир шаҳарни эгаллаб олиб, миллион аҳолиси бўлган бошқа шаҳарни тўсиб қўйганида, ҲХК асосчиси Белоруссияда яшаши ҳақида хабар берилди. Бироқ кейинроқ ОАВ тадбиркорни Санкт-Петербургда кўрганини маълум қилди. Беларус авторитар етакчиси Александр Лукашенко 6 июль куни Пригожин мамлакатда йўқлигини айтди.
Москва бу ҳақда изоҳ бермади. Президент матбуот котиби Дмитрий Песков эртаси куни Кремль Пригожиннинг ҳаракатларини кузатмаётганини айтди. Тадбиркорга қарши қўзғолон бўйича жиноий иш ёпилди, у қидирувга берилмади ва сиртдан ҳибсга олинмади.