Володиннинг сўзларига кўра, мамлакатни тарк этганлар нафақат Россия компанияларида масофадан туриб ишлайди, балки қонунга мувофиқ барча имтиёзлардан фойдаланади.
"Россия Федерациясини тарк этганлар учун имтиёзларни бекор қилиш ва улар учун оширилган солиқ ставкасини жорий этиш тўғри. Бу адолатли бўлади", деб ёзади Володин Телеграмда.
Декабрь бошида “Ягона Россия” хорижга кетган россияликларга маълум мутахассисликлар бўйича масофадан туриб ишлашни тақиқловчи қонун лойиҳаси устида ишлаётгани маълум бўлди, уларнинг рўйхати ҳукумат томонидан белгиланади. "Вёрстка" нашри чекловлар ахборот хавфсизлиги ва давлат учун муҳим бўлган бошқа қатор соҳалар ходимларига таъсир қилиши мумкинлигини ёзган.
Россиянинг Украинага ҳужумидан сўнг, сафарбарлик эълон қилингач, меҳнатга лаёқатли ёшдаги юз минглаб россияликлар, жумладан, бизнесменлар, IT мутахассислари, олимлар, шифокорлар ва мусиқачилар мамлакатни тарк этишди. Улардан қанчаси хорижда қолгани маълум эмас. Росстатнинг ҳисоб-китобларига кўра, йилнинг биринчи ярмида мамлакатдан миграция оқими қарийб 96 минг кишини ташкил этган.