Ссылки доступа

Россияда блокланган сайтларда реклама жойлаштириш тақиқланмоқда


Жумладан, Россияда блокланган ижтимоий тармоқларда ҳам реклама тақиқланган.

Давлат думаси биринчи ўқишда экстремистик ёки номақбул деб топилган ташкилотларнинг веб-сайтларида ҳамда Россияда блокланган ҳар қандай ресурсларда реклама жойлаштиришни тақиқловчи қонун лойиҳасини маъқуллади. Бу ҳақда палата сайтида айтилган.

Жумладан, Россияда блокланган ижтимоий тармоқларда ҳам реклама тақиқланган. Қонун лойиҳасининг асослаш қисмида ҳусусан экстремистик ташкилот деб топилган Meta корпорациясига тегишли Instagram ва Facebook тилга олинган.

Қонун лойиҳасининг ҳаммуаллифларидан бири, депутат Александр Хинштейннинг сўзларига кўра, блокировкага қарамай, ушбу ижтимоий тармоқлар "ҳозир ҳам Россияда катта аудиторияга эга," чунки "кўпчилик ВПН орқали блокировкани четлаб ўтиб, ушбу ресурслардан фойдаланишда давом этмоқда." Хинштейннинг фикрича, қабул қилинган ҳужжат энди Россиядаги рекламадан "фойда ололмайдиган" ёмон ниятли одамлар учун "дарчани"ни ёпиши керак.

Қонун лойиҳаси 2024 йил 21 июнда Давлат думасига киритилди. Аввалроқ "чет эл агентлари"га оид ресурсларда реклама жойлаштириш тақиқланган эди.

Россия ҳукумати томонидан номақбул ёки экстремистик деб эътироф этилган ташкилотлар сони юзлаб бўлса, Россиянинг турли идоралари томонидан блокланган ресурслар бир неча баробар кўп - юз минглаб. Россиянинг Украинага бостириб киришидан кейин блокировкалар сони сезиларли даражада ошди.

XS
SM
MD
LG