Бу ҳақда Маск ўзининг микроблогида ёзган. "Жамоат аслида нима бўлганини билишга лойиқ", - дея қўшимча қилди Маск. Шу билан бирга, у ҳужжатларда айнан кимлар тилга олинишини айтмади.
Душанба куни эрталаб Илон Маск iPhoe ишлаб чиқарувчиси Appleни Twitterни AppStoreдан блокировка қилиш билан таҳдид қилганликда айблади. Бир қатор твитларида у, шунингдек, Apple ўзининг ижтимоий медиа платформасида реклама қилишни бутунлай тўхтатганини даъво қилди. Маскнинг айтишича, Apple Твиттерга контентни модерация қилиш талаблари юзасидан босим ўтказмоқда.
"Apple Твиттерда рекламасини тўхтатди. Улар Америкада сўз эркинлигига қаршими?", - деб ёзди Маск твиттерда. Кейинчалик эълон қилинган твитида у IT корпорацияси раҳбари Тим Кукнинг аккаунтига "Нима бўляпти?" деган саволни қўшиб қўйди.
Reuter хабарига кўра, Apple ҳозирча изоҳ сўровига жавоб бермади. Агентликнинг қайд этишича, аввалроқ Apple контентни жойлаштириш қоидаларига риоя қилишни талаб қилиб, Gab ва Parler каби иловаларни ўз дўконидан олиб ташлаган. Кейинчалик, ўтган йилнинг апрель ойида Америка консерваторлари орасида машҳур бўлган Parler ижтимоий тармоғи AppStore дўконида тикланди.
Илон Маск ўтган ой Твиттерни сотиб олиш бўйича келишувни якунлади. У компанияни 44 миллиард долларга сотиб олди. Шундан сўнг у ерда ходимларнинг ярмига яқини қисқартирилди ва Маск қолганларни қўшимча иш вақтига тўғри келишидан огоҳлантирди. ОАВ маълумотларига кўра, содир бўлаётган воқеалар фонида платформанинг ишлашини таъминлаш учун муҳим бўлган кўплаб ходимлар Твиттерни тарк этишган, деб ёзади Медуза.