Ссылки доступа

Қозоғистонда ЛГБТ тарғиботи учун жиноий жавобгарлик киритилиши мумкин


Февраль ойида Қосим-Жомарт Тоқаев ЛГБТ вакилларига фарзанд асраб олишни ёки болаларга устозлик қилишни тақиқловчи қонунни имзолаган эди.

Қозоғистон парламентининг депутатлари Едил Жанбиршин ва Самат Мусабоев ноанъанавий жинсий алоқаларни тарғиботи учун жиноий жавобгарлик жорий этишни таклиф қилмоқда. Бу ҳақда "Власть" нашри хабар бермоқда.

«Аманат» партиясининг ушбу аъзолари Жиноят кодексининг "Ижтимоий, миллий, ирқий, синфий ёки диний адоватни қўзғатиш” ҳақидаги 174-моддасига “шу жумладан, ноанъанавий жинсий алоқаларни тарғиб қилиш орқали” деган сўзлар билан тўлдиришни таклиф қилмоқда.

Бундан ташқари, депутатлар ноанъанавий жинсий алоқаларни тарғиб қилиш тинч йиғилишларга рухсат бермаслик учун асос бўлиб хизмат қилиши мумкинлигини қонунчиликда белгилаб қўймоқчи.

Депутатларнинг ушбу таклифларини парламентдаги ишчи гуруҳ кўриб чиқади. Жанбиршин ва Мусабоевнинг фикрича, анъанавий оила эркак ва аёл иттифоқидан иборатдир. "Шунинг учун ҳам ноанъанавий жинсий алоқаларни тарғиб қилишни тақиқлаш керак", дейди депутатлар.

Февраль ойида Қосим-Жомарт Тоқаев ЛГБТ вакилларига фарзанд асраб олишни ёки болаларга устозлик қилишни тақиқловчи қонунни имзолаган эди. Фаолларнинг фикрича, бу борада мамлакат Россия кетидан кетмоқда.

XS
SM
MD
LG