Ссылки доступа

Қазоқистон пешниҳод кард, то соли 2045 силоҳҳои ҳастаӣ маҳв карда шаванд


Қазоқистон дар пасманзари ҷанги Украина аз кишварҳои ҷаҳон даъват кард, то соли 2024, - 100-солагии таъсисёбии Созмони Милали Муттаҳид нақшаи маҳви пурраи силоҳҳои ҳастаиро таҳия кунанд.

Ин даъватро Мухтор Тлеубердӣ, вазири умури хориҷи Қазоқистон дар матлабе карда, ки пеш аз мулоқоти раҳбарони кишварҳои иштирокдори Созишномаи манъи силоҳи ҳастаӣ дар Вена нашр шуд.

"Даргириҳои мусаллаҳона дар Украина ва таҳдидҳои дуҷониба барои истифодаи силоҳи ҳастаӣ моро водор мекунад, ки беш аз пеш дар бораи зарурати фаврии аз байн бурдани ин силоҳҳои марговар биандешем", - навиштааст Тлеубердӣ.

Қазоқистион баъди пошхӯрии Иттиҳоди Шӯравӣ чанд муддат ҳамчун кишвари дорои силоҳи ҳастаӣ боқӣ монд, вале баъдан ба монанди Украина ба таври ихтиёрӣ аз он даст кашид.

XS
SM
MD
LG