Қозоғистон суди Россия сўровига кўра 29 ёшли Қирғизистон фуқароси Алина Горшенинани ҳибсга олди. У Россияда одил судловни амалга ошириш билан боғлиқ таҳдид ёки зўравонлик моддаси бўйича жиноий иш бўйича қидирувга берилган.
Бу ҳақда "Медиазона" Rusnews нашрига таяниб хабар бермоқда.
Алина Горшенина 1 июнь куни чегарада, онаси билан таътилга Олмаотага кетаётганида қўлга олинган. Онасининг сўзларига кўра, Қозоғистон суди Горшенинани Россияга экстрадиция қилишга қарор қилган.
Горшенина Москва вилоят суди судьяси Елена Морозова ва прокурор Елена Колосковага таҳдид қилганликда айбланмоқда. Морозова ва Колосковалар 2021 йилда Россияга қайтган Алексей Навалнийни ҳибсга олган судья ва прокурорлардир. Навальний судидан сўнг уларга номаълум рақамлардан таҳдидлар кела бошлаган. Терговчилар ушбу таҳдидларни Қирғизистон фуқароси Алина Горшенина билан боғламоқда.
Онасининг сўзларига кўра, Алина Горшенинан Россияда охирги марта 2018 йилда бўлган ва судьяга таҳдид қилинган кунларда Иссиқкўлда бўлган.
Онасининг таъкидлашича, Алина Горшенинанинг қарамоғида ёш бола бор, соғлиғи билан боғлиқ муаммолари ҳам талайгина.
Алина Горшенина Навалнийга ҳукм ўқиган судья ва прокурорга таҳдид қилганликда айбланмоқда.