Бу ҳақда Халқаро энергетика агентлигига таяниб, Bloomberh ва The Guardian газеталари хабар бермоқда.
Халқаро энергия агентлиги (ХЭА) маълумотларига кўра, июль ойида Россияда кунига тахминан 10,8 миллион баррель нефть ишлаб чиқарилган. Бу унинг Украинага бостириб киришидан олдинги кўрсаткичдан 0,31 миллионга кам.
Шу билан бирга, Россиянинг агрессиясига жавобан унга нисбатан жорий қилинган санкциялар туфайли Россиядан Европа, АҚШ, Япония ва Жанубий Кореяга нефть ва нефть маҳсулотлари экспорти кунига қарийб 2,2 миллион баррелга камайди. Бироқ, оқимларнинг Ҳиндистон, Хитой, Туркия ва бошқа мамлакатларга йўналтирилиши, шунингдек, ички талабнинг мавсумий ўсиши йўқотишларни юмшатди.
Европа Иттифоқи 2022 йил 5 декабрдан бошлаб Россия нефти импортини сезиларли даражада қисқартиришни режалаштирмоқда. Икки ойдан сўнг Россия нефть маҳсулотларини Европа Иттифоқига етказиб беришни тўлиқ тақиқлаш кучга киради. Бу кунига тахминан 2,3 миллион баррель Россия нефти ва нефть маҳсулотлари "янги харидор топишга мажбур бўлади", дейди ХЭА.
Россия 2022 йил 24 февралда Украинага бостириб кирди. Ушбу агрессияга жавобан Европа Иттифоқи аллақачон Россияга қарши еттита санкциялар пакетини қабул қилган. Уларнинг ҳеч бири Россия газига эмбаргони ўз ичига олмайди. Шу билан бирга, Россия Европа Иттифоқининг бир қатор давлатларига етказиб беришни тўхтатди, айрим давлатларнинг ўзи эса Россия газидан воз кечди.