4 июль куни Чеченистонда ҳужумга учраган ва қаттиқ калтакланган «Новая газета» журналисти Елена Милашина касалхонадан чиқарилди, деди «Эхо Москвы» радиосининг собиқ бош муҳаррири Алексей Венедиктов.
Унга кўра, Милашина ҳозирча “шифокорлар назорати остида” бўлади.
Журналист Елена Милашина ва адвокат Александр Немов Грознийда Зарема Мусаевага ҳукм эълон қилинган пайт етиб келганида калтакланган. Милашинага ёпиқ травматик мия шикастланиши, қўлларнинг синиши ва юмшоқ тўқималарнинг кўкариши ташхиси қўйилган.
Немовда эса пичоқ жароҳати орқали олинган кўплаб жароҳатлар ва кўкаришлар ташхиси қўйилган.
Ҳужумдан икки кун ўтиб, Россия Федерацияси Тергов қўмитаси соғликка қасддан ўртача ва енгил оғирликдаги зарар етказиш бўйича жиноий иш очди. Аввалроқ Милашинага очиқчасига таҳдид қилган Чеченистон раҳбари Рамзан Қодиров журналист ва адвокатга қилинган ҳужумга чора кўрилишини айтди.
Ҳозирча журналист ва адвокатга қилинган ҳужум бўйича жиноий ишда гумонланувчилар борлиги маълум қилинмаган.