Песков Украина президенти Владимир Зеленскийнинг Рождество байрами муносабати билан Россия қўшинларини Украинадан олиб чиқиб кетиш таклифига изоҳ сўраган журналистларнинг саволларига жавоб берди.
Дмитрий Песков кўра, Украина “ҳақиқатларни тан олиши керак”. Шу муносабат билан у ўзини ўзи эълон қилган «ДХР» ва «ЛХР» ҳамда Украинанинг Херсон ва Запороже вилоятлари босиб олинган ҳудудларида ўтказилган референдумлар деб аталганини тилга олиб, “Россия Федерациясининг янги субъектлари борлигини” таъкидлади. “Ушбу янги воқеликларни ҳисобга олмасдан туриб, ҳеч қандай тараққиётга эришиш мумкин эмас”, — деди Песков.
Аввалроқ Владимир Зеленский Россия қўшинларини Украина ҳудудидан олиб чиқиб кетишни “Москвада тез-тез тилга олинадиган дипломатик келишув йўлидаги аниқ мазмунли қадам” сифатида таклиф қилганди. Бу ҳақда Украина президенти «Еттилик» (Катта еттилик) етакчилари билан видеомулоқот орқали гапирди.
Қўшма Штатлар ва дунёнинг аксарият давлатлари, шунингдек, БМТ Украинада Россия томонидан сентябрь ойида босиб олинган ҳудудларда ўтказилган сохта референдум натижаларини тан олмади. Киев ва унинг иттифоқчилари овоз беришни сохта деб атамоқда, чунки у ишғол ва жанговар ҳаракатлар шароитида ўтган, бу халқаро нормалар ва Украина қонунчилигига зиддир.