Ссылки доступа

Санкт-Петербурглик депутатлар Давлат Думасига Путинни давлатга хиёнатда айблашни таклиф қилишди


Россиянинг Санкт-Петербург шаҳридаги Смолнинское муниципалитети кенгаши Россия Федерацияси Давлат Думасига Россия президенти Владимир Путинни лавозимидан четлаштириш учун уни давлатга хиёнатда айблашни таклиф қилди. Бу ҳақда депутат Дмитрий Палюга маълум қилди.

Санкт-Петербург депутатлари Путиннинг Россия армиясининг Украина ҳудудига кенг кўламли бостириб кириши ҳақидаги қарори Россия ва унинг фуқаролари хавфсизлигига зарар етказади, деб ҳисоблайди. Палюга таъкидлаганидек, қарор Смолнинский депутатларининг кўпчилиги томонидан қабул қилинди.

Депутатлар Украинадаги урушда ёшлар нобуд бўлиб, ногирон бўлиб қолишини, уруш туфайли Россия иқтисодиёти зарар кўраётганини таъкидламоқда. Россиянинг кенг кўламли босқинчилиги бошланганидан сўнг, НАТО блоки шарққа фаол равишда кенгайишни бошлади ва Украина тобора кўпроқ қурол-яроғ ола бошлади, гарчи Путин ҳарбий тажовузни оқлаш учун қўллаган мақсадлар аксинча эди.

Март ойида, Россиянинг Украинага кенг кўламли бостириб кириши бошланганидан кўп ўтмай, Смолнинский кенгаши Путинга “қон тўкилишини тўхтатиш”, Украинадан қўшинларни олиб чиқиб кетиш ва истеъфога чиқишга чақирган депутатлик сўровини юборди.

XS
SM
MD
LG