Арманистон пойтахти Ереванда 12 июнь куни амалдаги бош вазир Никол Пашинян сиёсатига қарши “бўйсунмаслик акцияси”да юзлаб одам жароҳат олди. Бу ҳақда ССВга маълумотига таяниб "Арман жамоатчилик радиоси" хабар қилмоқда.
Armenia Today телеграм-канали ёзишича, 18 нафар полиция ҳодими ҳам жароҳат олган.
Ереванда “итоатсизлик акцияси” 10 июнда бошланган. “Тавуш Ватан учун” ҳаракати тарафдорлари парламент биноси олдига чодирлар тикиб, шу ерда тунамоқда.
Намойишчилар 12 июн куни ҳукумат йиғилиши бўлиб ўтаётган бинога киришга ҳаракат қилган. Полиция уларни тарқатиб юборишга муваффақ бўлган. Ўнлаб фаол тутиб кетилгани ҳақида маълумотлар бор. Тергов қўмитаси ушланган фаолларга нисбатан "оммавий тартибсизликлар" моддаси бўйича жиноий иш қўзғатилганини маълум қилди.
Норозилик чиқишини "Тавуш Ватан учун” ҳаракати ташкил қилган. Ҳаракат етакчиси ва Арман Апостол черкови Тавуш епархияси раҳбари архиепископ Баграт Галстанян митингчилар номидан Арманистон бош вазири Никол Пашинян истеъфосини талаб қиляпти. У барча фуқароларни 10 июнь, душанба куни “ҳукуматга ўз иродасини ўтказиш" мақсадида 96 соатлик итоатсизлик акциясига қўшилишга чақирмоқда.
Норозилик акцияларига чиққан одамлар Арманистон томонидан Озарбайжонга бир неча чегараолди қишлоғи берилишига қарши чиқишмоқда. Мухолифат бош вазир Никол Пашинянга қарши импичмент жараёнини бошлашга уриняпти. Ҳукмрон партия вакиллари эса черков намояндалари иштирокида давлат тўнтаришига ҳозирлик кўрилаётганини иддао қилмоқда.
Мухолифат бош вазир Никол Пашинянга қарши импичмент жараёнини бошлашга уриняпти. Ҳукмрон партия вакиллари эса черков намояндалари иштирокида давлат тўнтаришига ҳозирлик кўрилаётганини иддао қилмоқда.