“Кучаяётган ҳамкорликдек кўринаётган, ва балким, аслида ҳарбий алмашинув бўлмиш жараёнлар БМТ Хавфсизлик Кенгашининг кўплаб резолюцияларини бузиши мумкин”, дейди Владимир Путин ва Ким Чен Ин музокараларига муносабат билдирган Давлат департаменти матбуот котиби Мэтю Миллер.
Ким Чен Ин ва Владимир Путин 13 сентябрь куни "Шарқий" космодромида 4 соат музокара олиб борди. Учрашувдан сўнг Шимолий Корея етакчиси Россияни “тўлиқ ва сўзсиз қўллаб-қувватлаш”га ваъда берди.
Бундан ташқари, 13 сентябрь куни Россия ташқи ишлар вазири Сергей Лавров Москва ва Пекин Шимолий Кореяга қарши санкциялардан воз кечишини айтди, чунки бу чекловлар “бутунлай бошқа геосиёсий вазиятда киритилган”.
Ядровий ва ракета дастурлари устида ишлаётгани учун Шимолий Кореяга қарши санкциялар БМТ Хавфсизлик Кенгаши томонидан киритилган. Бу органнинг доимий аъзолари, жумладан, Хитой ва Россиядир.
Россияга ташрифи чоғида Ким Чен Ин КХДР “президент Путин ва Россия ҳукуматининг барча қарорларини доимо қўллаб-қувватлаганини" таъкидлаган.
Шимолий Корея ва Сурия Москванинг Украинага тажовузини очиқчасига қўллаб-қувватлаган ягона давлатлардир.
АҚШ Давлат департаменти Шимолий Корея ва Россия ўртасидаги музокаралардан "хавотирда"
Давлат департаменти Россия Шимолий Корея билан БМТ Хавфсизлик Кенгаши резолюцияларини четлаб ўтишга олиб келиши мумкин бўлган дастурлар бўйича музокара обораётганини "хавотирли" деб ҳисоблайди.