Шарҳ 7 январь куни Украина Бош разведка бошқармаси матбуот хизмати томонидан эълон қилинди.
“Унга кўра, ярим миллионгача россиялик террорчи мамлакат Қуролли кучлари сафига сафарбар қилинади. Фармон лойиҳаси аллақачон мавжуд бўлган сафарбарлик бу сафар Россиянинг Москва ва Санкт-Петербург каби йирик шаҳарларида ҳам ўтказилади”, — дейилади Украина Бош разведка бошқармаси баёнотида.
Москва ҳали сафарбарликнинг навбатдаги тўлқинини ўтказиш ниятини эълон қилмаган.
Чернякнинг сўзларига кўра, сафарбарлик ҳам ижтимоий соҳаларда, ҳам “Россия иқтисодиётига даромад келтирувчи соҳаларда” ишлаётган эркакларга таъсир қилади.
5 январь куни Украина Қуролли кучлари Бош штаби Россия сафарбарликнинг навбатдаги тўлқинига тайёрланаётганини маълум қилди.
Декабрь ойи охирида Украина мудофаа вазири Олексий Резников россияликларни яқин келажакда рўй бериши мумкин бўлган янги сафарбарлик тўлқинидан қочишга чақирди.
Ўтган йилнинг сентябрь ойида Россияда қисман сафарбарлик деб аталадиган ҳаракатлар бошланди. Россия Мудофаа вазирлиги маълумотларига кўра, сафарбарликка 300 минг кишини чақириш режалаштирилган эди, аммо оммавий ахборот воситалари расмийларнинг сафарбар қилинганлар сонини миллионга етказиш нияти ҳақида хабар беришди. Ҳозирда сафарбарлик чақируви тўхтатилди, лекин уни амалга ошириш тўғрисидаги фармон ўз кучида қолмоқда.
