Фаол ўз мурожаатида Исроилда яшовчи Пугачева “махсус ҳарбий операция”ни танқид қилишда давом этаётганини ёзади. Унинг сўзларига кўра, у Россияни тарк этиб, урушни танқид қилмоқда ва гўёки Украинага молиявий ёрдам берган маданият арбобларини қўллаб-қувватлайди.
Шунингдек, у ўзининг “Федерал хавфсизлик ва коррупцияга қарши лойиҳаси” “Алла Пугачева фаолияти ва унинг Ғарб разведка идоралари билан алоқалари учун чет элдан молиялаштириш”ни ўрнатганини таъкидлайди.
11 апрель куни Бородин Бош прокуратурадан актриса Лия Ахеджаковага нисбатан жиноий иш қўзғатишни сўрагани хабар қилинган эди. Унинг таъкидлашича, актриса Россия президентининг "махсус ҳарбий операция" бўйича қабул қилган қарорларини танқид қилмоқда ва гўёки Украина Қуролли кучларини молиялаштирмоқда (Ахеджакова буни рад этди).
Россиянинг Украинага кенг кўламли бостириб кириши бошланганидан сўнг, Алла Пугачева оиласи билан Россияни тарк этди. Август ойида хонанда мамлакатга қайтиб келди. Ўшанда у эмиграция қилиш ниятида эмаслигини айтди. Айни пайтда хонанда оиласи билан Исроилда яшамоқда.
Пугачеванинг турмуш ўртоғи Максим Галкин сентябрь ойида урушга оммавий қаршилик кўрсатгани сабаб "хорижий агентлар" реестрига киритилган. Бунга жавобан Пугачева Инстаграм орқали Адлия вазирлигига мурожаат қилиб, уни ҳам “хорижий агент” деб эълон қилишни сўраган.