Басылым мәліметінше, агенттік қызметкерлері темір жолдар мен тораптарда орнатылған жасырын камераларды тапқан. Ол камералар пойыздардың қозғалысын бақылап, мәліметті интернет арқылы жолдаған.
RMF FM мәліметінше, мұндай камералар Подкарпатье аймағында, Jasionka әуежайы маңында орнатылған. Батыс елдерінің Украинаға жөнелтіп жатқан қару-жарақтары осы жолдармен жеткізіледі.
Dziennik.pl порталының хабарлауынша, осы оқиғадан соң темір жол желілерінде және ұлттық маңызды инфрақұрылымдарда қауіптен сақтану туралы ескертулер жарияланған. Арнайы қызмет пен полиция дайындығы күшейтілген.
Польша ІІМ Ресей тыңшыларына қатысты толық мәліметті 16 наурызда таратуға уәде берді.