Reuters агенттігінің мәліметінше, Яхья Синвар Газада тығылып жүр. Көп уақытын Израильдегі түрмелерде өткізген Синвар ХАМАС-тың ықпалды жетекшілерінің бірі.
Исмаил Хания шілденің аяғында Тегеранда оның резиденциясына жасалған соққыдан мерт болған. Израиль билігі оның қазасының жауапкершілігін мойнына алған жоқ.
Шілденің аяғынан бері аймақта жағдай күрт шиеленісіп кетті. Иран Израильден кек алуды көздеп отыр.
Палестиналық ХАМАС тобы Исмаил Ханияның қазасынан кейін ұйымның жаңа саяси жетекшісі кім болғанын жариялады. Осы қызметті Яхья Синвар атқарады. Ол 2023 жылғы 7 қазанда Израильге жасалған шабуылды ұйымдастырған.