Ссылки доступа

Лиз Трасс Буюк Британиянинг янги бош вазири этиб сайланди


Ташқи ишлар вазири Лиз Трасс Буюк Британиянинг ҳукмрон Консерватив партиясининг янги раҳбари этиб сайланди. У тез орада Борис Жонсондан кейин бош вазир лавозимини эгаллайди.

Консервативлар партиясининг янги етакчисини сайлаган аъзоларининг овоз бериш натижалари душанба куни эълон қилинди. Трасс рақиби, собиқ молия вазири Риши Сунакдан олдинда эди. Овоз беришда қатнашганларнинг 57 фоиздан ортиғи овоз берди - бу Консерватив партиянинг 80 мингдан ортиқ аъзоси. Сунакни 60 000 дан ортиқ консерваторлар қўллаб-қувватлади.

Торилар етакчиси лавозимига икки даъвогар аввалроқ Жамоатлар палатасидаги консерваторлар фракцияси аъзоларининг овоз бериши натижасида аниқланган эди.

Ўз сайловолди ташвиқотини олиб бораётган Трасс Британияни қамраб олган энергетика инқирозига қарши курашда кескин чоралар кўришга ваъда берди. Шу билан бирга, у бош вазир сифатида Украинани муросасиз қўллаб-қувватлаш ва Россияга қарши туришда давом этишини таъкидлади. Трасснинг агар керак бўлса, "ҳеч иккиланмасдан" ядро тугмачасини босишини айтган гапига эътибор қаратилди.

Борис Жонсон 2019 йилда Бош вазир Тереза Мей истеъфога чиққанидан сўнг Консерватив партияни ва у билан бирга Британия ҳукуматини бошқарган. У партияни парламент сайловларида ўзининг замонавий тарихидаги энг яхши натижаси билан ғалаба қозонди.

Россия Украинага бостириб кирганидан кейин Жонсон энг Украинапараст Европа етакчиларидан бирига айланди. У Киевга уч марта ташриф буюрган, айрим европалик сиёсатчиларнинг можарони музокаралар йўли билан ҳал қилишга интилиш бўйича таклифларини қоралаган ва НАТОдан Украинага ҳарбий ёрдамни кучайтиришни талаб қилган. Буюк Британия Украинага катта ҳарбий ёрдам беради, ўз базаларида украиналик ҳарбийларни ўқитади.

Борис Жонсон ўз номи билан боғлиқ бир қатор жанжаллардан сўнг истеъфога чиқди. У COVID-19 пандемияси даврида ўзини-ўзи изоляция қилиш режимини бузганликда, жинсий зўравонликда айбланган депутат Крис Пинчерни қўллаб-қувватлаганликда ва Шимолий Ирландия бўйича келишувнинг бир қисми бўлган протокол шартларини бажармаганликда айбланган.

Лиз Трусс 47 ёшда. Ёшлигида у чап-либерал қарашларга амал қилган, Либерал-демократик партиянинг аъзоси бўлган, кейин консерваторларга ўтган. У Жеймс Кемерон ва Тереза Мей кабинетларида вазир бўлган, 2021 йилдан Борис Жонсон кабинетида Ташқи ишлар вазирлигини бошқарган. 2022 йил февралида Россиянинг Украинага бостириб киришидан олдин ҳам у Москвага нисбатан қаттиққўл эди; унинг жорий йил бошида Россия пойтахтига ташрифи ниҳоятда кескин муҳитда ўтди. Трасс тарихда Британия бош вазири лавозимини эгаллаган учинчи аёлга айланади, бир қатор шарҳловчилар уни “темир хоним” деб аталган биринчи аёл бош вазир Маргарет Тетчер билан солиштиришади.

XS
SM
MD
LG