У Черногорияни унча катта бўлмаган танаффуслар билан 1991 йилдан бери бошқариб келган амалдаги президент Мило Жукановичнинг ўрнини эгаллайди.
3 апрелга ўтар кечаси сайлов жараёнини кузатиб борган Подгорицадаги Мониторинг ва тадқиқотлар маркази Милатович сайловчиларнинг 60 фоиз овозини олганини билдирган эди.
Жуканович ўз мағлубиятини тан олди ва рақибини ғалаба билан табриклади.
37 ёшли Милатович Черногориянинг собиқ иқтисодиёт ва иқтисодий ривожланиш вазиридир. У сайловчиларга коррупцияга қарши курашни ва турмуш фаровонлигини оширишни ваъда қилган. Сайловдаги ғалабасидан сўнг ўз тарафдорлари олдида чиқиш қилган Милатович Черногория кейинги беш йил мобайнида Европа Иттифоқига аъзо бўлишини билдирди. Черногория 2008 йилда ЕИ аъзолигига номзод мақомини олган эди.
Шу билан бир қаторда, Би-би-сининг билдиришича, Болқонда Милатовични Сербияга, Россияга ва православ черковига яқин партиялар қўламоқда.
Черногорияда президент алмашди. Яков Милатович янги президент бўлди
Черногорияда якшанба куни ўтказилган президентлик сайловининг иккинчи тури натижаларига кўра, "Европа бугун" ҳаракатидан президентликка номзод, иқтисодчи Яков Милатович ғолиб чиқди.