Reuters маълумотларига кўра, 2023 йил январида АҚШ разведка хизмати вакиллари «Ал-Қоида»га ким етакчи бўлгани ҳақидаги ноаниқлик ҳақида гапирган. Бироқ, БМТнинг дунёдаги терроризм хавфи ҳақидаги ҳисоботида қайд этилганидек, ўтган йилнинг ноябрь ва декабрь ойларида БМТнинг кўплаб давлатлари Одилни «Ал-Қоида» операцияларининг амалда лидери ва унинг сўзсиз раҳбари сифатида тан олган эди.
1998 йил ноябрь ойида Одилни АҚШнинг федерал судьялари ҳайъати АҚШнинг Танзания ва Кениядаги элчихоналарига террорчилик ҳужумида айблади. Ўшанда 220 дан ортиқ тинч аҳоли ҳужумлар қурбони бўлди, 5 мингдан ортиқ киши жароҳат олди.
Америкалик терговчиларга кўра, Одил Африкадаги операциялардан ташқари, 2002 йилда Покистонда америкалик журналист Даниел Пёрлнинг ўлдирилишида ҳам иштирок этган.
АҚШ Давлат департаменти Одилнинг Эронда эканлиги ҳақида хабар берди. Давлат департаментининг “Адолат учун мукофот” дастури веб-сайтида айтилишича, Африкадаги портлашлардан сўнг Миср армиясининг собиқ подполковниги Эрон жануби-шарқига кўчиб ўтган. У ерда Ислом инқилоби қўриқчилари корпуси ҳимоясида яшаган. АҚШ Одилнинг яширинган жойи ҳақидаги маълумот учун 10 миллион доллар мукофот эълон қилди.
Эроннинг БМТдаги миссияси чоршанба куни Твиттерда эълон қилинган хабарда Одилнинг Эронда бўлганини рад этди. "Ал-Қоиданинг янги тайинланган раҳбарининг манзили нотўғри. Бу нотўғри маълумотлар терроризмга қарши курашга тўсқинлик қилиши мумкин", дейилади Reuters хабарида.
«Ал-Қоида» агентларини кузатиб борган ФҚБнинг собиқ махсус агенти Али Суфан Терроризмга қарши кураш маркази сайтида “Саиф ал Одил” тахаллуси “Адолат қиличи” деган маънони англатувчи экстремистни зукко шахс сифатида тавсифлашини ёзди. Унинг ҳақиқий исми Муҳаммад Салоҳиддин Зейдан.
Усама бин Ладеннинг жиҳодчилик ҳаракатидаги собиқ ҳамкорлари Одил ўзининг узоқ қонли фаолиятини 1981 йилда бошлаганини айтишади. Кейин у Миср президенти Анвар ас-Садатга суиқасдга алоқадорликда гумон қилинган. Қоҳирадаги ҳарбий парад чоғида бир гуруҳ фитначилар президентга қарата ўт очган, телевидение бўлаётган воқеаларни жонли кўрсатган.