“Оскар-2023” мукофоти ғолиблари эълон қилинди

Дан Кван ва Дениел Шайнертнинг 11 та номинация бўйича тақдим этилган “Барчаси ҳамма жойда ва бир вақтнинг ўзида” фильми тақдирлаш маросимида еттита: “Йилнинг энг яхши актрисаси”, “Йилнинг энг яхши режиссёри”, “Йилнинг энг яхши оригинал сценарийси” ва “Йилнинг энг яхши монтаж қилинган фильми” йўналишлари бўйича ғолиб бўлди. “Кит” фильмида бош ролни ижро этган Брендан Фрэйзер “Йилнинг энг яхши актёри” номинациясида мукофотни қўлга киритди.

Шунингдек, “Оскар-2023” танловининг фаворитларидан бири “Ғарбий фронтда ўзгариш йўқ” фильми бўлиб, лойиҳа тўртта номинация бўйича, жумладан, “Энг яхши халқаро фильм” номинациясида тақдирланди.

Ушбу йўналиш бўйича қуйидаги фильмлар: “Ғарбий фронтда ўзгариш йўқ”, “Аватар: Сув йўли”; “Инишериналик Банши”, “Элвис”, “Фабелманлар”, “Тар”, “Топ Ган: Меверик”, “Ғамгинлик учбурчаги”, “Аёллар гапиради” лойиҳалари тақдим этилди.

Ғолиблар:

• Иккинчи пландаги энг яхши актриса: Жейми Ли Кёртис, (“Ҳаммаси ҳар жойда ва бирдан”);
• Иккинчи пландаги энг яхши актёр: Ке Ҳюи Куан (“Ҳаммаси ҳар жойда ва бирдан”);
• Энг яхши анимацион фильм: “Пиноккио Гилермо дел Торо”;
• Энг яхши операторлик иши: “Ғарбий фронтда ўзгариш йўқ”;
• Энг яхши саҳналаштирувчи рассом: “Ғарбий фронтда ўзгариш йўқ”;
• Энг яхши костюмлар: “Қора пантера: абадий Ваканда”;
• Энг яхши грим ва турмаклар: “Кит”;
• Энг яхши қисқа метражли ўйин фильми: “Ирландча хайрлашув”;
• Энг яхши қисқа метражли анимацион фильм: “Болакай, Юмронқозиқ, Тулки ва От”;
• Энг яхши қисқа метражли ҳужжатли фильм: “Филларни қарғовчилар”;
• Энг яхши хорижий фильм: “Ғарбий фронтда ўзгариш йўқ” (Германия);
• Энг яхши ҳужжатли фильм: “Навалний”;
• Энг яхши визуал эффектлар: “Аватар: сув йўли”;
• Энг яхши қўшиқ: Наату Наату “RRR: ёнимизда инқилоб куйламоқда” (Ҳиндистон);
• Энг яхши мусиқа: “Ғарбий фронтда ўзгариш йўқ”
• Энг яхши режиссёр(лар): Дениел Кван ва Дениел Шайнерт (“Ҳаммаси ҳар жойда ва бирдан”);
• Энг яхши актриса: Мишел Йео (“Ҳаммаси ҳар жойда ва бирдан”);
• Энг яхши актёр: Брендан Фрейзер (“Кит”)
• Энг яхши фильм: “Ҳаммаси ҳар жойда ва бирдан”.

Аввалроқ «Навалний» энг яхши ҳужжатли фильм сифатида “Оскар”ни қўлга киритгани хабар берилганди.

Лос-Анжелесдаги “Оскар”ни топшириш маросимида иштирок этган Юлия Навалная саҳнадан туриб, эрининг озод этилишига умид қилишини айтди.