Озиқ-овқат етказиб беришни тўхтатиш нархларнинг янада ошиши ва миллионлаб одамларнинг очликдан ўлишига сабаб бўлади. Бу ҳақда CNN хабар бермоқда.
Оқ уй Россиянинг бу қарори озиқ-овқат хавфсизлигини ёмонлаштириб, миллионлаб одамларга зарар етказишидан огоҳлантирди.
АҚШ Миллий Хавфсизлик Кенгаши сўзловчиси Адам Ходжнинг айтишича, ғалла ташаббуси Россиянинг Украинага шафқатсиз ва сабабсиз бостириб кириши натижасида кескин кўтарилган озиқ-овқат маҳсулотларининг глобал нархларини пасайтиришда ҳал қилувчи роль ўйнаган.
Украина президенти Владимир Зеленский Россия Федерациясининг ҳаракатларига қарамай, Қора денгиздаги йўлак орқали дон етказиб бериш давом этиши мумкинлигини таъкидлади. Давлат раҳбарининг америкалик журналистларга берган интервьюсида айтган сўзларини ижтимоий тармоқларда матбуот котиби Сергей Никифоров эълон қилди.
Зеленскийнинг сўзларига кўра, Россия Федерациясисиз ҳам, бу Қора денгиз йўлагидан фойдаланиш учун ҳамма нарсани қилиш керак.
Эслатиб ўтамиз, турк флоти ғалла коридори хавфсизлиги кафолатига айланиши мумкин. Бу ҳақда Украина дон ассоциацияси раҳбари Николай Горбачёв маълум қилди. Унга кўра, импорт қилувчи компаниялар суғурта кафолатларини ҳам тақдим этиши мумкин.
Шунингдек, ОАВ хабарларига кўра, Россия Федерациясининг ғалла битимидан чиқиши Украина ғалласининг йўлини тўсиб қўймаслиги маълум қилинган.