Енді құжатқа осындай бастаманың авторы – президент Юн Сок Ёль қол қоюы тиіс.
Заң бұзғандар үш жылға сотталып, 23 мың долларға жуық айыппұл төлеуі мүмкін. Айта кетерлік жайт, заң жобасында ит етін жегендерге жаза қарастырылмаған.
Фермалар мен мейрамханаларға кәсібін жабуға немесе ауыстыруға үш жыл уақыт береді.
Оңтүстік Корея билігінің мәліметінше, елде 1100-ге жуық ит фермасы бар. Онда жарты миллионға жуық ит өсіреді. Шаруалар мұндай заңға қарсы шыққан, себебі бір миллионға жуық адам жұмыссыз қалуы мүмкін.
Оңтүстік Корея тұрғындары кейінгі жылдары ит етін жеуден бас тарта бастады, деп хабарлады CNN. Gallup Korea мекемесінің 2022 жылғы сауалнамасына қарағанда, зерттеуге қатысқандардың сегіз пайызы ғана ит етін жейтінін мойындаған. Сеулде ит етінен тамақ пісіретін мейрамханалар сұраныстың азаюына байланысты 40 пайызға қысқарған.