Грузиянинг “Стратегия яратувчи” партияси раҳбари, депутат Георгий Вашадзе мухолифат рейсни норозилик намойиши билан кутиб олиши мумкинлигидан огохлантирди.
У марказий Руставели проспектидаги норозилик намойишлари ва тўқнашувлар фонида ҳукмрон “Грузия орзуси” партияси қайтариб олишга мажбур бўлган “Чет эл агентлари тўғрисида”ги қонуннинг биринчи ўқишда қабул қилиниши тарихига тўхталди.
“Биз уларни (тахминан Грузия ҳукумати) Россия билан тўғридан-тўғри рейслардан чекинишга мажбурлашимиз керак”, деди Вашадзе.
Унинг фикрича, Россия ва Грузия ўртасидаги авиақатновларнинг тикланиши мамлакатдаги барча аэропортларни Ғарб санкциялари таҳдиди остида қолдиради.
Душанба куни эрталаб бир неча ўнлаб одамлар парламент биноси эшиги олдида тўпланишган.
АҚШнинг Тбилисидаги элчиси Келли Дегнан ҳам тўғридан-тўғри рейслар бошланиши муносабати билан ҳайратда эканлигини билдирди.
Ташқи ишлар вазирлигининг Фуқаро авиацияси департаменти баёнотида таъкидланишича, фақат халқаро санкцияларга дучор бўлмаган Россия авиакомпаниялари Грузиянинг учта халқаро аэропорти – Тбилиси, Батуми ва Кутаисига парвозларни амалга ошириши мумкин.
10 май куни Россия президенти Владимир Путин Россия авиакомпаниялари учун Грузияга тақиқни, шунингдек, 15 майдан Грузия фуқаролари учун виза режимини бекор қилди.
Транспорт вазирлигининг маълум қилишича, Россия авиакомпаниялари ҳар ҳафта Москвадан Тбилисига ва орқага маҳаллий ишлаб чиқарилган самолётларда еттита рейсни амалга оширади.