Буюк Британияда 3 август куни ўнг кучлар томонидан мигрантларга қарши уюштирилган янги намойишлар бутун мамлакат шаҳарлари бўйлаб тартибсизликларга айланиб кетди. Бош вазир Кит Стармер 5 август куни куч ишлатар идоралари ҳамда хавфсизлик хизматлари раҳбарлари билан шошилинч мажлис ўтказди.
Стармер бу галги намойишларни "норозилик эмас, зўравонлик" деб атади. Стармер нафақат кўчаларда тартибсизликлар уюштираётганлар, балки интернетда шунга чақираётганлар ҳам жиноий жавобгарликка тортилиши кераклигини айтди.
Буюк Британия ички ишлар вазири Иветт Купернинг маълум қилишича, полициячиларга ҳужум қилган ёки атрофдагиларга зарар етказган 140 дан ортиқ одам ҳибсга олинган. Купернинг таъкидлашича, бундай одамлар Буюк Британия фуқароларининг овозини билдирмайди ва ўз ҳаракатлари учун қонун бўйича жавоб беришлари керак.
Тартибсизликлар Халл, Ливерпуль, Бристоль, Манчестер, Сток-он-Трент, Блэкпул ва Белфастда кузатилган. Унда иштирок этган шахслар дўконларга шикаст етказиб, полициячиларга ҳужум қилишган.
Британия бош вазири Кир Стармер “адоват қўзғатишга уринаётган экстремистлар”га нисбатан чора кўрилиши бўйича полицияга “ҳукумат томонидан тўлиқ дастак” берилишини ваъда қилган.
Британияда юзага келган тарангликка 29 июль куни Саутпортдаги рақс студиясида уч қизчанинг ўлдирилиши сабаб бўлган. Пичоқ билан амалга оширилган ҳужум чоғида яна 10 га яқин киши жароҳат олган. Жиноятга гумонланиб 17 яшар ўсмир қўлга олинган.
Сўнгги 10 йил ичида Британияда юзага келган энг оммавий тартибсизликлар экани айтилаётган ҳодисалар ижтимоий тармоқларда болаларга ҳужум қилган шахс мигрант ва радикал исломчи экани ҳақида маълумот тез тарқалиб кетгани ортидан бошланган. Полиция бу маълумот ёлғон эканини билдириб, гумонланувчи Аксель Рудакубана Буюк Британияда туғилганини, унинг ота-оналари эса католик динига мансуб руандаликлар эканини қайд этган.
Расмийларнинг бу баёнотлар зўравонлик, ўт қўйиш ва талон-торож қабатида кечаётган мигрантларга қарши намойишларни тўхтата олмади. Полиция талончиларнинг фаол ядросини Англия мудофаа лигасининг миллатчи тарафдорлари ташкил этади, деб ҳисоблайди. Бу ташкилот мухлислари футбол безорилари билан боғлиқ. Бунақа Лига расман мавжуд эмас.
Британияда сўнгги йилларда пичоқ иштирокида бир неча шов-шувли ҳужум содир бўлган. Уларнинг айримлари радикал исломчилар томонидан амалга оширилган терактлар бўлган.
Британия бош вазири оммавий тартибсизликлар ортидан фавқулодда мажлис ўтказди

Тартибсизликлар Халл, Ливерпуль, Бристоль, Манчестер, Сток-он-Трент, Блэкпул ва Белфастда кузатилган. Унда иштирок этган шахслар дўконларга шикаст етказиб. полициячиларга ҳужум қилишган.