Москва яқинидаги “Крокус Сити Холл” концерт залига хужумдан жабрланганлар мажмуа эгаларига нисбатан жиноий иш қўзғатишни талаб қилмоқда. Бу ҳақда уларнинг адвокати Игор Трунов РИА Новости нашрига маълум қилди.
Трунов 11 нафар жабрланганлар номидан Тергов қўмитасига ариза берган. Жабрланганлар концерт залининг эгалари объектнинг ёнғин хавфсизлигига етарлича эътибор қаратмаганини айтмоқда. Хусусан, воқеа гувоҳларининг айтишича, ёнғинга чидамли материалдан тайёрланиши лозим бўлган саҳна пардаси бир неча сония ичида ёниб кетган.
Аризада, шунингдек, ёнғин ўчириш ва тутун тарқатиш тизими ишламай қолгани айтилмоқда, деб ёзади РИА Новости. Труновнинг таъкидлашича, теракт куни аксар фавқулодда чиқишлар ҳам қулфланган бўлган.
“Крокус Сити Холл” эгаси асли озарбайжонлик миллиардер Араз Агаларов ҳисобланади. Унинг ўзи аввалроқ барча ёнғин ўчириш тизимлари ишчан ҳолатда бўлганини айтган.
“Крокус Сити Холл” эгаси асли озарбайжонлик миллиардер Араз Агаларов ҳисобланади.