«Украина, Донецк халқ республикаси ёки Луганск халқ республикаси фуқаролари ёки ДХР, ЛХР ва Украина ҳудудида доимий яшайдиган фуқаролиги бўлмаган шахслар соддалаштирилган тартибда Россия Федерацияси фуқаролигини олиш учун ариза билан мурожаат қилиши ҳуқуқига эгалиги белгилансин», — дейилади ҳужжат матнида.
Россия фуқаролигини олиш учун ариза билан фуқаролиги бўлмаган, аммо миграция картаси, вақтинчалик яшаш учун рухсатнома, истиқомат гувоҳномаси, қочқин гувоҳномаси, вақтинчалик бошпана тақдим этилгани ҳақида гувоҳнома ёки ўз ихтиёри билан кўчиш ҳақидаги давлат дастури иштирокчисининг гувоҳномасига эга бўлганлар ҳам мурожаат қилиши мумкин.
ДХР ва ЛХР аҳолиси соддалаштирилган тартибда Россия фуқаролигини олиш ҳуқуқига 2019 йилдаёқ эга бўлган бўлса, Херсон ва Запорожье вилоятлари аҳолиси 2022 йил майида бундай ҳуқуқни қўлга киритганди. Жараён Россияда чет эл фуқароси ёки фуқаролиги бўлмаган шахсларнинг фуқаролик олиш учун ариза беришгача яшаш муддатини бир йилгача ёки ундан ҳам камроққа қисқартириш имконини беради.