Ссылки доступа

Россия президенти давлат ташрифи билан Ўзбекистонга келди (видео)


Россия президенти Владимир Путин якшанба куни кечқурун давлат ташрифи билан Тошкентга келди. Уни пойтахт аэропортида Шавкат Мирзиёев кутиб олди, деб хабар берди унинг матбуот хизмати.

Россия президенти Владимир Путин Тошкент шаҳрига келгач, Шавкат Мирзиёев ҳамроҳлигида “Янги Ўзбекистон” боғига ташриф буюрди.

Ташриф дастурида олий даражадаги музокаралар ўтказилиши кўзда тутилган.

Учрашув кун тартибидан Ўзбекистон ва Россия ўртасидаги кенг қамровли стратегик шериклик ва иттифоқчилик муносабатларини янада ривожлантириш ва чуқурлаштириш масалалари ўрин олган.

Бу Владимир Путиннинг март ойида қайта сайланганидан кейин иккинчи давлат ташрифидир. Биринчиси май ойининг ўрталарида Хитойда бўлган. Владимир Путиннинг Ўзбекистонга аввалги давлат ташрифи 2018 йил октябрь ойида бўлганди.

XS
SM
MD
LG