Райн Рутга Республикачилар партиясидан АҚШ президенти лавозимига номзод Дональд Трампга суиқасдга уриниш айблови расман билдирилган.
Айблов уч банддан иборат бўлиб, "президентликка номзодга" суиқасд уринишидан ташқари Райн Рут судланган бўла туриб ўқотар қурол сақлаганлик ва "федерал хизматчига тажовузда" айбланмоқда. Бу ҳақда ABC News хабар қилди.
ОАВ хабарларига кўра, Рут аввал ҳам бир неча бор ҳуқуқбузарлик содир этган. У АҚШ нашрларига Афғонистон армиясининг собиқ аскарларини Украина Қуролли кучларида хизмат қилиш учун ёллашга урингани ва 2022 йилда бир неча ой Украина ҳудудида бўлгани ҳақида ҳам гапирган.
Суиқасднинг махфий хизмат агенти гольф майдонини ўраб турган буталар орасидан автомат тумшуғи чиқиб турганини кўргач, ўша томонга огоҳлантирувчи ўқ узгани ортидан олди олинган. Дональд Трамп ўша пайтда гольф ўйнаётган бўлган.
Рут автомобилда қочишга уринган, бироқ тез орада гувоҳлар кўмагида қўлга олинган. Гольф-клубни автойўлдан ажратиб турувчи панжарали тўсиқ ортидаги буталар орасидан мерган нишони ўрнатилган ярим автоматик милтиқ ҳамда видеокамера топилган.
Гумонланувчининг суиқасдга ундаган сабаб нима экани ҳозирча номаълум. Associated Press агентлиги маълумотига кўра, 2020 йилда у ижтимоий тармоқларда Дональд Трампни дастаклаши ҳақида ёзиб келган, бироқ сўнгги пайтларда Жо Байден ва Камала Ҳаррис тарафдорига айланган.
Айбланувчининг суиқасдга ундаган сабаб нима экани ҳозирча номаълум.