АҚШ ва Европа Иттифоқи Россияга банкноталар экспортини тақиқлашига қарамай, мамлакатга 2022 йил март ойидан бери 2,3 миллиард нақд доллар ва евро олиб кирилган. Бу ҳақда Reuters агентлиги божхона маълумотларига таяниб хабар берди.
Бу нақд пуллар Россия билан савдога чекловлар ўрнатмаган БАА ва Туркия каби давлатлардан кириб келганлиги айтилмоқда.
Аввал ҳеч қаерда учрамаган бу ҳисоб-китоблар Россия нақд пул импортини тақиқловчи санкцияларни четлаб ўтишга муваффақ бўлганини кўрсатади, деб ҳисоблайди Reuters.
Божхона ҳужжатлари 2022 йилнинг март ойидан 2023 йилнинг декабригача бўлган даврни қамраб олади. Улар Россиянинг Украинага тажовузи бошланишидан олдин нақд пул олиб киришнинг кескин ўсишини кўрсатади. 2021 йил ноябридан 2022 йил февралигача Россияга деярли 19 миллиард доллар ва евро банкнотлари олиб кирилган бўлса, аввалги тўрт ойида атиги 17 миллион доллар тушган.
Reuters мурожаат қилган экспертларнинг фикрича, келтирилган маълумотлар реал валюта оқимларини аниқ паст кўрсатмоқда.
Россияликлар учун доллар ва евро харидлар ва саёҳатлар учун зарурдир, гарчи Москва ушбу валюталарга қарамликни камайтиришга ҳаракат қилса ҳам.
Аввал ҳеч қаерда учрамаган бу ҳисоб-китоблар Россия нақд пул импортини тақиқловчи санкцияларни четлаб ўтишга муваффақ бўлганини кўрсатади, деб ҳисоблайди Reuters.