Aйни пайтда на Ўзбекистонда, на Марказий Осиёнинг бошқа мамлакатларида бирорта ҳам атом электрстанцияси йўқ.
Ҳужжатда келтирилишича, томонлар Ўзбекистонда ҳар бири 1,2 GW қувватли иккита энергоблокка эга йирик АЭСни қуриш билан бирга, Россия лойиҳаси асосидаги ҳар бирининг қуввати 55 MWгача бўлган 6 та энергетика реакторидан иборат АЭС қурилиши бўйича ҳамкорлик қилиши мўлжалланган.
Икки давлат раҳбарлари миграция соҳасидаги ҳамкорлик масаласига ҳам тўхталди.
Халқаро суриштирувларда Ўзбекистон Ғарб санкцияларига тушган маҳсулотлар Россияга экспорт қилинадиган асосий нуқталардан бири экани айтилади.
Россиянинг газ монополиячиси бўлган "Газпром" ўтган йили Европага сотилмай қолган газини Ўзбекистонга экспорт қилишни бошлаган.
Москва Тошкентнинг асосий ташқи савдо ҳамкорларидан бири бўлиб қолмоқда. Ўтган йили Россия Ўзбекистоннинг ташқи савдо шериклари орасида Хитойдан кейин иккинчи ўринни эгаллаган.
Россия президенти Владимир Путин 26 май куни давлат ташрифи билан Ўзбекистонга келди. Бу Путиннинг шу ой бошида бешинчи президентлик муддатига киришганидан буён учинчи хорижий сафаридир. Аввалроқ у Хитой ва Беларусга ташриф буюрганди.