Россияда суд Тожикистон фуқароси Ҳайдарали Ашуровни "Ҳизб ут-Таҳрир" ҳаракатига алоқадор деб топиб 7 йилга озодликдан маҳрум қилди. Бу ҳақда Жанубий ҳарбий суднинг матбуот хизмати хабар берди.
У дастлабки уч йилни қамоқда, қолган муддатни қаттиқ тартибли колонияда ўтказади.
"ОВД-Инфо" хабар қилишича, у террорчилик ташкилоти фаолиятида иштирок этишга тайёргарлик кўриш ва террорчилик ҳамда экстремистик фаолиятни оммавий тарғиб этишда айбдор деб топилган.
2020 йил ёзида ФСБ Ростовда 13 нафар марказий осиёлик муҳожир ҳибсга олингани ҳақида хабар берган эди. ФСБ иддаоси бўуйича, булар Ҳизб ут-Таҳрир ҳаракатининг аъзоси бўлиб, уларнинг фаолиятини "Украинада жойлашган эмиссарлар мувофиқлаштирган". Уларни аввал миграция қонунчилигини бузганлик даъвоси билан ҳибсга олишган. Маъмурий қамоқ ўташ чоғида уларга қарши жиноий иш қўзғатилган. Хайдарали Ашуров, Коммерсант нашрнинг ёзишича, шу гуруҳ таркибида қўлга олинганлардан бири эди.
У дастлабки уч йилни қамоқда, қолган муддатни қаттиқ тартибли колонияда ўтказади.