Ссылки доступа

Россия ҳукумати сафарбарлик пайтида мамлакатдан кетаётганлар рўйхатини туза бошлади


На погранпереходе "Сырым" в Казахстане

Россия расмийлари сафарбарлик эълон қилинганидан кейин мамлакатни тарк этаётган фуқароларнинг исмларини қайд этади. Бу ҳақда Давлат думаси раиси Вячеслав Володин маълум қилди.

У рўйхат нима сабабдан тузилаётганига аниқлик киритмади, аммо бундай фуқаролар қайтса, уларга қандай муносабатда бўлиш масаласи борлигини айтди.

Чегаралардаги навбатлар боис, кўпчилик чиқиб кетаётган машиналарини Россияда қолдириб кетишмоқда. Дума раиси ушбу машиналарни ҳарбий оилаларга беришни таклиф қилди. "Бу тўғри бўлади", деди у. Бу ҳали қонунчилик ташаббуси сифатида таклиф қилинмаган.

Ўтган ҳафта Россиядан келган қуруқликдаги чегара ўтиш жойларида эълон қилинган сафарбарликдан сўнг, қочқинлар саф тортди, ҳаво ва темир йўл чипталари нархларининг кескин ошиши қайд этилди. Кетганларнинг аниқ сони ҳақида маълумот берилмаган.

Германия ва Қўшма Штатлар потенциал равишда россиялик қочқинларни қабул қилишга ёки ҳеч бўлмаганда уларнинг ишларини кўриб чиқишга келишиб олдилар, аммо Россия улар билан қуруқлик чегарасига эга эмас. Қочқинлар асосан Қозоғистон, Марказий Осиёнинг бошқа мамлакатлари ва Грузияга йўналган.

XS
SM
MD
LG