Айни кунларда пойтахт Тошкентнинг энг қиммат Мирзо Улуғбек районидаги Москванинг «Рублëвка»сига қиëсланадиган Шўртепа маҳалласида улкан қурилиш бормоқда.
Кенгайиб бораëтган қурилиш майдонининг жорий сатҳи 1¸5 гектардан ошади. Муқояса учун - бу соҳибқирон Амир Темурнинг дунëга машҳур Регистон майдонидан уч баравар катта. Хусусий ҳовлилар ва масжид қуршовидаги бу қурилишни бошлаш учун 20 дан ошиқ эски ҳовлию яп-янги вилла бузиб ташланган.
Озодлик суриштируви бу муҳташам қасрни Шавкат Мирзиëевнинг кичик қизи¸ Ижтимоий ҳимоя агентлиги раҳбари ўринбосари Шаҳноза Мирзиëева ва унинг эри¸ Президент хавфсизлик хизмати раҳбари ўринбосари Отабек Умаров қураëтганини ўртага чиқарди.
Тошкентнинг Mирзо-Улуғбек туманида қурилаётган мажмуа Мирзиёевнинг 2007-йилда Умаровга турмушга чиққан кенжа қизи Шахноза ва уларнинг фарзандлари билан бирга яшаган турар-жой биносига туташ камида 20 та объектни ўз ичига олади.
Харитадаги манзарага қаралса, Умаров яшаб келган маҳалла кўриниши 2018 йил ёзидан, қайнотаси президент бўлганидан 1 йилдан кўпроқ ўтиб ўзгара бошлаган.
Mухбирлар Умаров билан боғлиқ мажмуа қурилаётган ҳудуддаги кўчмас мулклар баҳосини олиш учун бир неча тошкентлик риэлторларга қўнғироқ қилди. Олинган маълумотларга кўра, 100 квадрат метр учун нарх тахминан 100000 долларга баҳоланмоқда. Сунъий йўлдошдан олинган суратлар қурилаётган мажмуанинг тахминан 1,5 гектарни ташкил этиши ва умумий тахминий қиймати 15 миллин долларни ташкил этади. Mажмуа ҳудудида тахминан 20 та уй борлигини ва уйларнинг ҳар бири бозор қиймати 500 000 дан 1 миллион долларгача бўлганини ҳисобга олса, кўчмас мулкнинг умумий қиймати 20 миллион доллардан зиёд эканини англатади.
Биргина ер қиймати бўйича 15-20 миллион долларга борадиган бу ерлар Отабек Умаровнинг ўзи эмас, балки унинг отчопар ва отбоқар синфдоши Зафар Мамажоновга расмийлаштирилган. Кадастр ҳужжатларининг кўрсатишича, 2022 йилнг 23 июнига қадар Зафар Мамажонов номига жами 18 та кўчмас мулк расмийлаштирилган ва уларнинг аксарияти айнан янги қурилаётган мажмуа ҳудудида жойлашган.
Суриштирувнинг тўлиқ версияси бу ерда.