БМТ Хавфсизлик кенгаши 25 март куни Ғазо бўлгасида ўт очишни зудлик билан тўхтатишни талаб қилувчи резолюцияни қабул қилди.
Резолюцияда, шунингдек, барча асирларни дарҳол ва шартларсиз озод қилиш талаб этилган.
Резолюцияда БМТ томонлардан Рамазон ойида (10 мартдан 9 апрелгача) ўт очишни тўхтатишни ва Ғазога гуманитар ёрдамнинг тўсиқсиз етказилишини таъминлашни талаб қилган.
Резолюция лойиҳаси Хавфсизлик кенгаши кун тартибига кенгашнинг доимий бўлмаган 10 та аъзоси томонидан киритилди. Улар қуйидагилар – Жазоир, Эквадор, Гаяна, Япония, Малта, Мозамбик, Корея Республикаси, Сьерра-Леоне, Словения ва Швейцария.
БМТ Хавфсизлик кенгаши Ғазода уруш бошланганидан бери ўт очишни тўхтатиш бўйича бир тўхтамга кела олмаётган эди. Аввалги резолюцияларга уч марта вето қўйган АҚШ бу сафар овоз беришда бетараф қолди.
АҚШ Хавфсизлик кенгашининг 22 март кунги йиғилишига илк марта Ғазода ўт очишни тўхтатиш бўйича резолюция лойиҳасини киритган, лекин унга Россия ва Хитой вето қўйганди.
25 март куни овозга қўйилган резолюция лойиҳасига Вашингтон вето қўймагач, Исроил ҳукумати вакилларининг Оқ уйда бўлиб ўтиши режалаштирилган музокаралари бекор қилинди.
Ғазо Соғлиқни сақлаш вазирлиги душанба куни уруш бошланганидан бери камида 31 112 фаластинлик ҳалок бўлганини маълум қилди. Вазирлик ўз ҳисобида ўлган тинч аҳоли ва жангариларни ажратмайди, бироқ ўлганларнинг учдан икки қисмини аёллар ва болалар ташкил этишини айтмоқда.
Аввалги резолюцияларга уч марта вето қўйган АҚШ бу сафар овоз беришда бетараф қолди.